Ноғман Мусин әҫәре - Салауат театры сәхнәһендә

Салауат башҡорт дәүләт драма театры үҙенең 88-се миҙгелен асты. Был ваҡиға айҡанлы артистар тамашасылар иғтибарына Башҡортостандың халыҡ яҙыусыһы, БАССР-ҙың атҡаҙанған мәҙәниәт хеҙмәткәре, Салауат Юлаев исемендәге дәүләт премияһы лауреаты Ноғман Мусиндың "Ике ир һәм бер ҡатын" повесы буйынса сәхнәләштерелгән "Ғүмерҙең бер мәле" спектаклен күрһәтте. Режиссеры - Лиана Ниғмәтуллина.Премьераға Ноғман Мусиндың үҙе килеүе театр өсөн дә, тамашасыларға ла икеләтә байрам булды!