Бәхил бул, талант эйәһе...

Зәхмәтле ауырыу ҡоторғандан ҡотора. Бөгөн тағы ла бер ҡайғылы хәбәр алдыҡ:Башҡортостандың атҡаҙанған уҡытыусыһы, Әбйәлил районының Ким Әхмәтйәнов исемендәге, Сибай ҡалаһының Рамаҙан Өмөтбаев исемендәге премиялар лауреаты, шағирә, һәүәҫкәр композитор, драматург Зөһрә Хәдит ҡыҙы Фәйзуллина вафат.Ул үҙенең легендар "Мәктәп вальсы" йыры менән күптәргә таныш. Шулай уҡ популяр йырҙарын билдәле йырсылар башҡара. Драма әҫәрҙәре республика театрҙары сәхнәләрендә ҡуйылды. Шундай талант эйәләренең вафаты йөрәкте тетрәтә.Зөһрә апайҙың ғаиләһенең, туғандарының, дуҫтарының ауыр ҡайғыһын уртаҡлашабыҙ.