Ноябрь башында рәсәйҙәрҙе ҡыҫҡа эш аҙнаһы көтә

Ноябрь башында рәсәйҙәрҙе ҡыҫҡа эш аҙнаһы көтә. Халыҡтар берҙәмлеге көнөн байрам итеүгә бәйле 4 ноябрь ял була. Шулай итеп, ноябрҙең тәүге аҙнаһында дүрт көн — 2 һәм 3 ноябрҙә, шулай уҡ 5 һәм 6 ноябрҙә эшләйбеҙ. Шишәмбе, 3 ноябрҙә, эш көнө бер сәғәткә ҡыҫҡара.

Рәсәйҙәрҙе киләһе ҡыҫҡа эш аҙнаһы декабрь аҙағында ғына көтә.

Быйыл 31 декабрь кесаҙнаға тап килә һәм ҡыҫҡа эш көнө булып тора. Яңы йыл каникулдары 2021 йылдың 1 ғинуарынан 10-ына тиклем дауам итә.