"Шоңҡар" героиняһына уңыштар теләйек!

Журналыбыҙҙың июль һанын биҙәгән Зөһрә Мөхәрәмованы бөтәгеҙ ҙә хәтерләйбеҙ, моғайын. Сибәр, талантлы һәм эшлекле ҡыҙ иңенә оло яуаплылыҡ ятты: ул "КОРОЛЕВА ЕВРАЗИИ - 2020" халыҡ-ара матурлыҡ конкурсында Башҡортостан данын яҡлаясаҡ!Конкурс бөгөн,Төркиәлә башланды. Ул бер нисә этаптан тора һәм 9 ноябргә тиклем дауам итә. Еңеүсегә ҡиммәтле бүләк әҙерләнгән. Тик уны эләктереү еңел булмаясаҡ, сөнки конкурсҡа донъяның төрлө илдәренән иң-иң ҡыҙҙар йыйылған.Шулай ҙа беҙ Зөһрәнең уңышлы сығыш яһауына ышанабыҙ. Сөнки 24 йәшлек һылыу ҡыҙ "Башҡортостан һылыуы" республика конкурсында еңеү яуланы. Шулай уҡ халыҡ-ара бәйгеләрҙә лә ҡатнашып, уңышлы сығыш яһап тора. Уңыштар һиңә, "Шоңҡар" героиняһы! Беҙ һинең еңеү менән ҡайтыуыңды көтәбеҙ.