Иң матур башҡорт һүҙен кем әйтер?

1–15 ноябрҙә bashslovo.ru сайтында матур яңғырашлы һүҙ тәҡдим итергә кәрәк;

22 ноябрҙә сайтта йыш тәҡдим ителгән 12 һүҙ һайлап алына һәм тауыш биреү башлана;

14 декабрҙә — Башҡорт теле көнөндә иң матур һүҙ иғлан ителә.

«Башҡортостан халҡы тәҡдим иткән һүҙҙәр араһында һирәк ҡулланылған һүҙҙәрҙең осрауы мөмкин. Был тарихтың байлығын һәм телдең күркәмлеген күрергә, телмәрҙе байытырға мөмкинлек бирә. Әлеге һүҙҙәрҙең йәнә йәмғиәттә йәшәй башлауы ихтимал, яңы ресторандар, күңел асыу үҙәктәре, балалар өсөн уҡыу үҙәктәре, парктар неймингында һәм йәмәғәт тормошо өлкәләрендә файҙаланылыр. Был республиканың үҙенсәлеген һәм матурлығын күрһәтер, уның туристик имиджын тулыландырыр», — ти проект авторы – режиссер, продюсер, «Телешко» балалар телевидениеһы мәктәбе директоры Рөстәм Аҙнабаев.