"Тамыр" - "ТЭФИ-Регион" 2020 финалында!

Кисә Нальчик ҡалаһында үткән ҙур сарала "ТЭФИ-Регион" 2020 Бөтә Рәсәй телевидение конкурсы финалистары иғлан ителде. Улар араһында "Тамыр" балалар телеканалының эше лә бар! "Юғалтҡыстар иле" яңы йыл әкиәте "Телевизион нәфис фильм" номинацияһында еңеүгә дәғүә итә.Фильмдың режиссеры Гөлсәсәк Игебаева, проект авторы Гөлназ Ҡолһарина. Төп ролдәрҙе Искәндәр Мөхәмәтйәнов, Розалия Аҙнаева, Искәндәр Йәһүҙиндар башҡара.Еңеүселәр 26 ноябрҙә, Калуга ҡалаһында иғлан итәсәк. Быйыл "ТЭФИ-Регион 2020" конкурсында 600-ҙән ашыу эш ҡатнаша.