Яңы йыл байрамдары нисек булыр?

Радий Хәбиров яңы йыл байрамдарына сикләүҙәр тураһында ҡарар ҡабул итте. Улар республикала яңы коронавирус инфекцияһы буйынса санитар-эпидемиологик хәл менән бәйле. Был хаҡта «Подслушано в Башкирии» телеграм-каналында белдерелә. Башҡортостан Башлығы республика һәм муниципаль кимәлдәге чиновниктарға корпоратив ойоштороуҙы тыйырға йыйына. Башҡаларға 2021 йылдың яҡынлашыуын 50 кешенән артмаған коллективта билдәләргә мөмкин. Байрам төнгө сәғәт 12-гә тиклем генә дауам итергә тейеш.

Мәскәү барлыҡ Яңы йыл һәм Раштыуа байрамдарын 15 ғинуарға тиклем тыйыуға ҡарамаҫтан, Башҡортостанда урам шыршыларын һәм боҙ ҡаласыҡтарын ҡалдырырға хәл иттеләр.