Ҡыш ниндәй булыр?

быйыл ҡыш Рәсәйҙең Европа өлөшөндә һәм тотош илдә былтырғыға ҡарағанда һалҡыныраҡ буласағын белдерә.

«Әгәр йылытыу миҙгеленә комплекслы фараз буйынса фекер йөрөткәндә, ил биләмәһендә температураның нормаға ярашлы булыуы күҙаллана... Йәғни ҡыштың былтырғынан һалҡыныраҡ, ләкин, дөйөм алғанда, һыуыҡ булмауы көтөлә», — тине Рәсәйҙең баш синоптигы.

Шул уҡ ваҡытта уның һүҙҙәренсә, илдең Европа өлөшөнөң төньяҡ яртыһында, Урал федераль округында, Себерҙең көнбайыш һәм урта өлөшөндә ҡыш көнө һауа температураһы норманан юғарыраҡ булыр, моғайын. Ләкин ҡышҡа аныҡ фараздар бирергә әлегә иртәрәк.

Роман Вильфанд билдәләүенсә, ноябрь аҙағында Рәсәйҙең Европа биләмәһендә ҡар көтөргә мөмкин. Ләкин илдең Азия биләмәһендә, Уралда, Себерҙә әле үк ҡар күп.