Бөтә яңылыҡтар
Новости
18 Ноябрь 2020, 00:25

Башҡорт теле көнөнә әҙерлек башланды

Был көндө төрлө саралар үтәсәк.

Бөгөн Радий Хәбиров 2020 йылда Башҡорт теле көнөн уҙғарыу тураһында бойороҡҡа ҡул ҡуйҙы. Был көндә республикала мәҙәни һәм аң-белем таратыу саралары ойошторола.

Уға әҙерләнеү һәм уларҙы үткәреү буйынса ойоштороу комитетының составы раҫланды. Уның етәксеһе – Башҡортостан Башлығы хакимиәте етәксеһе Александр Сидякин.

Ойоштороу комитетына тейешле сараларҙы уҙғарыу планын әҙерләү һәм раҫлау бурысы йөкмәтелде.
Хәтерегеҙгә төшөрәбеҙ, Башҡортостанда 14 декабрҙә Башҡорт теле көнө уҙғарыла. Был дата башҡорт телен һаҡлау һәм үҫтереү маҡсатында 2019 йылда Башҡортостан Республикаһы Башлығы Радий Хәбировтың указы менән булдырылды.
Читайте нас в