Һай, ғәббәстәр афарин!

Ейәнсура районының Ғәббәс ауылында саф һауала ҡышҡы уйындар үтте. Йорттарында ни һан күңел асыу, аралашыу көткән күңелдәр Бәләкәй Өҫкәлек урамына йыйылды. Быйылғы сара "Айыҡ ауыл" сиктәрендә ойошторолһа ла, бындай уйындар ауылда матур йолаға әүерелгән. Ғәббәслеләр йылына бер нисә тапҡыр йыйылып, уйын-көлкө менән көс һынашып тора. Саф һауала әүҙем уйындар менән күңел асып, тәмле бәлеш-ҡоймаҡтар менән сөкөрҙәшеп самауыр сәйе эсеүҙең ҡәҙерен белә улар! Ә айыҡ аңлы халыҡ һаулығын ҡайғыртмай йәшәмәй.