Рәсәй Президенты онлайн кәңәшмә ваҡытында Иркутск өлкәһендә булған башлыҡһыҙ чиновниктарға шелтә яһаны. Дәүләт башлығы менән бәйләнешкә ул саҡта вице-премьер Виктория Абрамченко, Иркутск өлкәһе губернаторы Игорь Кобзев, президенттың Себер федераль округындағы тулы хокуҡлы вәкиле Сергей Меняйло, Усолье-Сибирское ҡалаһы мэры Максим Торопкин сыҡҡайны. Урамда егерме градус һалҡын ине. Владимир Путин уларҙы күреп, кейенергә ҡушты. “Башлыҡтарығыҙҙы кейегеҙ, ҡолаҡтағығыҙ өшөй бит, мин шаяртмайым, ауырып китеүегеҙ генә етмәгәйне”, - тине.