Пандемия күп нәмәне үҙгәртте. Һәләтле, заман менән бергә атлаған йәштәребеҙ ҙә ирекмәнлек эшенә тотондо. Баймаҡ районы хөкүмәтенең йәштәр эштәре буйынса комитет директоры, БДУ магистранты Заһит Ғүмәров та был йүнәлештә үҙен танытып өлгөрә. Ул Баймаҡ районында мохтаждарға тәүгеләрҙән булып ярҙам ҡулы һуҙа. Йәштәрҙе ойоштороу менән дә шөғөлләнә. Бөгөн был районда йәмғеһе 142 ирекмән иҫәпләнә.