«Оливье» салатын нисә көн һаҡларға ярай?

«Оливье» салатын нисә көн һаҡларға ярай?
Соустарҙы, ҡыяр менән һуғанды салатты табынға ҡуйыр алдында ғына һалыу яҡшы.

Яңы йыл табынынан ҡалған оливьены ла, холодецты ла ташларға ашыҡмағыҙ.

Тик майонез һалынған салатты дүрт сәғәттән күп һаҡларға мөмкин түгел икәнлеген иҫтән сығармағыҙ. Ә майонез һалынмаған булһа, уны 40 сәғәт һаҡларға ярай. Ләкин был осраҡта салатҡа ҡыяр ҙа, һуған да һалынмаҫҡа тейеш. Был ингредиенттарҙы салатты табынға ҡуйғанда ғына өҫтәйҙәр.

Ҡалған холодецты туңдырғысҡа ҡуйыу яҡшы. Бында уны 1-2 ай ҙа тотоп була.