“Уларҙың урыны Дәүләт Думаһында булырға тейеш түгел”

Дүрт тапҡыр олимпия уйындары чемпионы Александр Тихонов спортсыларҙы Дәүләт Думаһынан ҡыуырға кәрәк тигән фекерҙә. “Спортсыларға сәйәсәттә урын булырға тейеш түгел. Улар бөтөнләй грамотаһыҙ. Бөгөн улар күптәр, һеҙ элекке спортсыларҙың берәйһен трибунала күргәнегеҙ бармы?” - тине ул.

Олимпия чемпионы спортҡа хөрмәт менән ҡарауын, әммә спортсылар бүтәндәрҙең урынын биләүен

һәм мөһим мәсьәләләрҙе хәл итеүҙә ҡатнашмауын белдерҙе.

Әйткәндәй, бөгөн олимпия чемпиондарынан

Владислав Третьяк, Вячеслав Фетисов, Ирина Роднина, Александр Карелин, Светлана Журова, Светлана Хоркина Дәүләт Думаһы мандатына эйә.

Ә һеҙ нисек уйлайһығыҙ?