Эй, Хоҙайым, тағы бер бала вафат булған

10 ғинуарҙа Башҡортостанда Кропачево — Мәсәғүт — Ачит юлында ике автобус ҡатнашлығында юл фажиғәһе һәм унда ике баланың һәләк булыуы хаҡында хәбәр иткәйнек инде. Бөгөн Малаяҙ үҙәк район дауаханаһында 17 йәшлек ҡыҙ ҙа вафат булған. Аварияла шулай уҡ уның 13 йәшлек һеңлеһе лә йәрәхәтләнгән.

Был көндәрҙә һауа торошо көйһөҙ тора. Ҡар, буран юлдағы хәлде ҡатмарлаштыра. Ғәҙәттән тыш хәлдәр министрлығы хеҙмәткәрҙәре алыҫ юлға сығыуҙы кисектереп торорға кәңәш итә.