"Октябрьский дауаханаһының хирургия корпусын һәм балалар поликлиникаһын тәртипкә килтереү тураһында ҡарар ҡабул иткәндә, ремонттан тыш, төп бурысыбыҙ - республиканың көнбайыш ҡалаһының медицина учреждениеларын заманса йыһаздар менән тәьмин итеү ине. Шуныһы мөһим, беҙ халыҡҡа Өфөгә барып, сираттарҙа торорға түгел, ә үҙебеҙҙә юғары технологиялы ярҙам алыу мөмкинлеген бирҙек. Хәҙер ышаныс менән әйтә алам, беҙ күп нимәгә ирештек. Биналар ремонтланды, йыһаздар һатып алынды.Беҙ әле генә барыһын ла эшләп бөтөрмәнек,пландар билдәле һәм аңлайышлы - медицина үҫешенә бик ҙур аҡса һаласаҡбыҙ. Өҫтәүенә, Октябрьскийҙа дауахана ғына түгел, унда муниципаль үҙәк эшләй һәм ул Башҡортостандың көнбайыш райондарынан барлыҡ пациенттарҙы ҡабул итә ала", - тип яҙҙы Радий Фәрит улы "Бәйләнештә" селтәрендә.