Юлдан барған фельдшерҙы машина тапаған

Төмән өлкәһендә 39 йәшлек табип һәләк булған. Ҡайғы-хәсрәт былтыр 18 декабрҙә була. Фельдшер ауырыу кешене ҡарарға бара һәм тонометр менән пульсоксиметрын онотоп ҡалдыра. Дауаханаға ҡайтҡас, уны ҡаты итеп әрләйҙәр һәм ҡорамалдарҙы барып алырға ҡушалар. Табип 50 км йыраҡлыҡтағы ауылға тиклем барырға тейеш була. Уның автобусҡа аҡсаһы булмай, ә эштән машина бирмәйҙәр. Һөҙөмтәлә йәйәү сығып киткән фельдшерҙы юлда машина тапап китә.