Рәмил Шәмсетдиновҡа суд ҡарары иғлан ителде

2019 йылдың 25 октябрендә һигеҙ хеҙмәттәшен атып үлтергән Рәмил Шәмсетдиновты 24 йыл да 6 айға ҡаты режимлы колонияға иркенән мәхрүм итеү ҡарарын иғлан иттеләр. Бынан тыш, фажиғәлә зыян күреүселәрҙең туғандарына компенсация ла түләнәсәк. Мәҫәлән, Пьянковтың туғандары – 1,3 миллион һум, бүтәндәр 1,5-әр миллион һум аласаҡ. Йәрәхәтләнгән Евгений Графов һәм Владислав Шпакка 1,2-шәр миллион һум түләү ҡаралған.