Шамонино юлында ғаилә һәләк булған

Юлдарҙағы аяныслы хәлдәр күңелде өшөтә. Бөгөн, 22 ғинуарҙа, М-5 Һамар – Өфө – Силәбе юлында Өфө районының Шамонино ауылы тирәһендә Volkswagen Polo һәм Mercedes йөк машинаһы бәрелешкән.
Фажиғәлә еңел машиналағы ҡатын, ир һәм ике бала һәләк булған. Авария урынында полиция хеҙмәткәрҙәре һәм башҡа хеҙмәттәр эшләй.

Был көндәрҙә һауа торошоноң насар булыуы дауам итә. Шуға ла юлдарҙа һаҡ булайыҡ.