Шәмсетдиновты ғүмерлеккә төрмәгә ябырҙармы?

Читала хәрби суд Рәмил Шәмсетдиновты хеҙмәттәштәрен атып үлтергән өсөн 24,5 йылға иркенән мәхрүм итеү хаҡында ҡарар сығарғайны. Ошо көндәрҙә зыян күреүселәр суд ҡарарына апелляция бирҙе. Улар присяжныйҙар фекере менән килешмәй, Шәмсетдинов мәрхәмәтлелеккә лайыҡ түгел, уны ғүмерлеккә иркенән мәхрүм итергә кәрәк тигән ҡарашта.

Әйткәндәй, Рамил Шәмсетдиновтың адвокаты Руслан Нәғиев бығаса ҡабул ителгән хөкөм ҡарарын «нигеҙһеҙ ҡырағай» тип атаны һәм уға ялыу бирергә ниәтләүе тураһында белдергәйне.