Бала магнит йотҡан

Британияла була был ғәжәп хәл. Манчестерҙа йәшәгән 12 йәшлек Райли Моррисонл үҙенә металл әйберҙәрҙе йәбештерә алған шәп малай булырға йыйынған.

Дүрт көндән һуң бала әсәһенә ике генә магнит шары йотоуын әйтә, күп итеп йотоуын әйтергә ҡурҡа. Әсә кеше улын табибҡа алып бара һәм рентген һүрәттәрен күргәс, ашығыс рәүештә операция яһайҙар.

Алты сәғәт барған операция уңышлы тамамланған, бөтәһе 54 дана шар алғандар.