Рәсәй халыҡтары йортонда башҡорттарҙың офисы барлыҡҡа килде.

Мәскәүҙә Рәсәй халыҡтары йортонда Башҡорт федераль автономияһының үҙенең офисы барлыҡҡа килде. 19 февралдә Рәсәй халыҡтары йортоноң директоры Андрей Березин, уның урынбаҫары Евгений Соловьев менән Рәсәй башҡорттарының Федераль милли-мәҙәни автономияһының башҡарма директоры Искәндәр Юлдашев ҡатнашлығында осрашыу үтте. Унда 2021 йылда милләт-ара проекттарҙы тормошҡа ашырыу буйынса саралар планы билдәләнде.

– Үҙебеҙҙең офис булыу беҙгә һөҙөмтәле эшләргә, Мәскәү һәм Рәсәйҙең башҡа төбәктәрендәге башҡорттар менән йышыраҡ осрашырға, дөйөм мәсьәләләрҙе хәл итергә мөмкинлек бирәсәк, – ти Искәндәр Юлдашев. – Беҙҙең ҡарамаҡта конференция залы бирелә, унда төрлө сараларҙы ойоштороу өсөн мөмкинлек буласаҡ.