Өшөгәндә тиҙ ярҙам күрһәтеү саралары

Һыуыҡтар дауам итә әле.

Өшөүҙең билдәләре: тәндең туңа башлаған урыны һиҙгерлеген юғалта. Ҡайһы ваҡытта ул сәнсеп, семеткеләп тә торорға мөмкин. Башта ул ағарып сыға, һуңынан ҡабарырға мөмкин. Өсөнсө дәрәжәләге өшөү ваҡытында иһә ул урын ҡара янып сыға. Бөтөн тән өшөгәндә кеше һиҙгерлеген юғалта башлай. Уның тәне һалҡыная, пульсы йышая, ҡан баҫымы төшә, тән температураһы 36 градустан түбән була.

ТЫЙЫЛА: өшөгән урынды ҡар менән ышҡырға, спирт менән ыуырға ла ярамай. Был осраҡта ҡан тамырҙарына зыян килеүе бар. Өшөгән урынды ҡайнар һыу ярҙамында йә иһә усаҡ янында тиҙ генә йылытырға маташыу ҙа – ҙур хата. Был ваҡыттан ҡан тамырҙарында тромб барлыҡҡа килеп, өшөгән тән икеләтә зыян күрәсәк.

БЕРЕНСЕ ЯРҘАМ: өшөгән кешене иң тәүҙә йылы урынға урынлаштырыу зарур. Туңған ерҙе яйлап ҡына йылытырға. Зыян күреүсегә күп итеп йылы һыу йәки сәй эсерергә лә онотмаҫҡа кәрәк. Өшөгән урындарҙың һиҙгерлеге яңынан барлыҡҡа килмәһә, тәнгә бармаҡ менән баҫып алғас, төҫө үҙгәрмәһә, кисекмәҫтән “Тиҙ ярҙам” саҡыртырға кәрәк.

Читайте нас:

Баш мөхәррир: Айгиз Ғиззәт улы Баймөхәмәтов

Телефон

(347)272-61-64

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 910

Ҡабул итеү бүлмәһе

Венер Айҙар улы Исхаҡов (яуаплы сәркәтип) - 89279443170

Хеҙмәттәшлек

Финзира Ғариф ҡыҙы Рысаева - 89174785622