Беҙҙең халыҡ тиҙ ышаныусан. Шул арҡала кеҫә ҡалынайтыусыларҙың һаны артҡандан арта ғына бара. Был аҙнала интернет аша әйбер алырға теләп алданыусыларҙың һаны егермегә еткән. Улар йәмғеһе 3 млн һум тирәһе аҡсанан ҡолаҡ ҡаҡҡан. Мәҫәлән, Салауат ҡалаһында йәшәүсе ҡыҙ 11800 һум аҡсаһынан тороп ҡалған. Ул Instagram аша әйбер алырға теләгән. Тик килешелгән ваҡытҡа әйбере килмәгән. Ә үҙен ҡара исемлеккә индереп ҡуйғандар.
Матбуғат хеҙмәтенең Башҡортостан буйынса эске эштәр министрлығы халыҡты уяу булырға саҡыра. “Таныш булмаған кешегә аҡса күсермәгеҙ. Банк хеҙмәткәрҙәре булып шылтыратһалар ҙа, һөйләшмәгеҙ, бәйләнеште өҙөгөҙ”, - тиҙәр улар.