Бөгөн Салауат Низаметдиновтың хәтере кисә була

Үлемһеҙ йырҙар авторы, композитор Салауат Низаметдиновтың арабыҙҙан китеүенә апаруҡ ваҡыт үтһә лә, уның йырҙары халҡыбыҙ күңелендә йәшәй. Композиторҙың сәнғәтенә ғашиҡтар бөгөн йәнә ул ҡалдырған йырҙарҙы тыңлай ала. Бөгөн, өсөнсө мартта, Өфөләге Инвалидтар мәҙәниәт йортонда (Кустар урамы, 17) Салауат Низаметдиновтың Хәтер кисәһе үтә. Унда билдәле йырсылар башҡарыуында композиторҙың йырҙары яңғыраясаҡ. Тамаша 15 00 сәғәттә башлана. Инеү түләүһеҙ. Рәхим итегеҙ!