Мигранттарға талаптар ҡәтғиләште

Әле илдә мигранттарға ихтыяж ҙур. Бигерәк тә төҙөлөш һәм үҫемлекселек өлкәһендә ҡул көсө етмәй. Сәсеү һәм төҙөлөш осорор яҡынлашыу менән был мәсьәлә ҡәтғиләшә генә. Әле Үзбәкстандан 8 мең, Тажикстандан 450 эшсе көстәргә ғариза бирелгән. Әгәр быға тиклем яҡын сит илдән килгән мигранттар квота менән генә Рәсәйгә үтеп инһә, хәҙер был документ ҡына етмәй. Яңы регламентҡа ярашлы, эшкә килеүселәргә һәм уларҙы ҡабул итеүселәргә лә мәшәҡәттәр артты.

Эш биреүсе сит илдән килгән хеҙмәткәрҙәргә тәғәйен эш урыны билдәләргә, уны ҡаршы алып, абсервация үткәреп, торлаҡҡа урынлаштырырға бурыслы. Күпме аҡса түәләйәсәге, ниндәй һөнәргә йәлеп итеүен билдәләү ҙә шарт.

Шул саҡта ғына уға мигранттар менән эшләү рәхсәте бирелә. Ә беҙҙең илгә инеүселәр рус телен белеүе, үҙ илендә әҙерлек үтеүе һәм ҡанундарҙы ла белеүе мөһим.

Ленара Иванова, Башҡортостандың ғаилә, хеҙмәт һәм халыҡты социаль яҡлау министры