Аҙыҡ-түлеккә тағы хаҡтар артырмы?

Иҡтисадсы Евгений Гонтмахер хәбәр итеүенсә, инфляция ҙур булмаясаҡ, шулай ҙа айырым төр аҙыҡ-түлеккә хаҡтар артасаҡ.
Рәсәй Хөкүмәте уҙған йыл аҙағында сауҙа селтәрҙәре менән өс ай дауамында шәкәр һәм үҫемлек майына рөхсәт ителгән хаҡтар сиге тураһында килешеүҙәр төҙөгән ине. Был килешеүҙәр ғәмәлдән сыҡҡандан һуң, хаҡтар һиҙерлек артасаҡ.

«Ғәҙел Рәсәй» лидеры Сергей Миронов та социаль әһәмиәткә эйә тауарҙарҙы сикләү сараларын ғәмәлдән сығарғандан һуң, аҙыҡ-түлеккә хаҡтар үҫәсәге тураһында киҫәтте. Ул, продукция етештереүселәрҙе судья хеҙмәттәренән һаҡлай торған механизмдарҙы эшләргә кәрәк, тип һанай.

"Алға табан нимә булыр? Тағы яңы хаҡтарҙың артыуын көтәбеҙме?..», — тип хәбәр иттеләр партияның матбуғат хеҙмәтендә.
Мироновтың һүҙҙәренә ҡарағанда, тауарҙарға хаҡтар үҫмәһен өсөн закон проектын ҡабул итергә кәрәк, уның нигеҙендә төп туҡланыу продукттарына аҙлап һатыу хаҡы күмәртәләп һатыу хаҡынан 15 проценттан да юғарыраҡ була алмай.