"Беҙ "Шоңҡар"лы булдыҡ!

Ауылыбыҙҙа ил эшмәкәре, журналист Шәһит Хоҙайбирҙин исемендәге район премияһы лауреаттарын тәбрикләнек. Быйыл ул премия яҡташыбыҙ Шәһит Хоҙайбирҙиндың тыуыуына 125 йыл тулыу менән мәртәбәле. Лайыҡлы лауреаттар төрлө өлкәнән: Сәйетбатталов Рөстәм Миңлеғәле улы – Күгәрсен районының тарих һәм тыуған яҡты өйрәнеү музейы директоры, урындағы ҡоролтай рәйесе, Ырыҫҡужина Рәзилә Ишбулды ҡыҙы Мостай Кәрим исемендәге Милли йәштәр театрының әҙәбиәт бүлеге етәксеһе, Сәйетбаталова Гөлшат Мөхәмәттаһир ҡыҙы – «Мораҙым» гәзите хәбәрсеһе.Баш ҡаланан Рәзилә Ырыҫҡужина буш ҡул менән килмәгән. Ул ауылыбыҙ китапханаһына “Шоңҡар” журналына ярты йыллыҡ подписка бүләк итте. Ошондай иғтибары өсөн уға рәхмәттәребеҙҙе юллайбыҙ. Ә яратып уҡыған “Шоңҡар” журналына, яҙылыусыларығыҙ күберәк булһын, тигән теләктәр еткереп ҡалабыҙ!
Хоҙайбирҙин ауылы китапханасыһы
Әлиә Исхаҡова.