Кемгә нимә инде...

Бер аҙналыҡ үҙҡурсалауға халыҡ ныҡ әҙерләнгән.

1 – 7 ноябрь - Рәсәйҙә йәнә үҙҡурсалау ваҡыты тип иғлан ителде. Бер аҙна өйҙә ултырғанда, әлбиттә, һәр кем ваҡытын үҙенсә үткәрә. Кемдер, быға тиклем осона сыға алмаған йорт эштәрен тамамлай, кемдер, яңы һөнәргә өйрәнә. Кемдер иһә был мәлде күңел асып, типтереп уҙғарырға тырыша. Спиртлы эсемлектәрҙе һатыу был көндәрҙә тыйылыуы хаҡында ишеткәс тә, күптәр уны күмәртәләп алып ҡуйғандар икән. Ялдарға тиклем һатыу нөктәләрендә иҫерткес эсемлектәрҙең 50 – 60 проценты һатылып бөтөлөүе шул хаҡта һөйләй ҙә инде.