Ҡала халҡы менән хушлашыуына бер ай ҙа булмаған...

“Ҡулымдан килгәндең барыһын да эшләнем”, - тигән ул.

Өфөләге Республика клиник дауаханаһында Стәрлетамаҡ ҡалаһының элекке мэры Владимир Куликов вафат булған. Ауыр сирҙән йонсоған элекке етәксе 5 йыл дауамында Стәрлетамаҡ ҡалаһын етәкләгән һәм ағымдағы йылдың 8 октябрендә вазифаһынан китер алдынан: “Әлбитә, күп нәмәне эшләргә лә эшләргә әле. Ҡала – ул тере организм, һәр ваҡыт үҫеү юлында. Мин ҡулымдан килгәндең барыһын да эшләнем”, - тип халҡы менән хушлашҡан.

Владимир Куликов 1966 йылда Стәрлетамаҡта тыуған. ӨДНТУ-ла инженер-механик һөнәрен үҙләштерә. 1992 йылдан Стәрлетамаҡта ҡала хакимиәтенең йәштәр сәйәсәте буйынса бүлегендә төрлө вазифалар башҡара.