Йәй – санаңды, ҡыш арбаңды әҙерлә

Яңы йылға бүләгеңде хәҙер үк хәстәрләй башла.

“Декабрҙә көнкүреш техникаға, гаджеттарға хаҡ артыуы көтөлә. Шуға ла, яҡындарығыҙҙы Яңы йылға бындай бүләктәр менән ҡыуандырырға теләһәгеҙ, әле үк алып ҡуйыу отошло”, - ти заманса үҫеш институты етәксеһе, иҡтисадсы Никита Масленников.

Шулай уҡ, белгес был төндә кейә торған кейем-һалымды ла алдан хәстәрләргә кәңәш итә. Беренсенән, ҡабалан-ҡорһалан алынған әйбер күңелегеҙгә хуш килмәүе бар. Икенсенән, йыл аҙағында уларға ла хаҡ күтәрелеп кеҫәгеҙгә һуғыуы бар.

Ә һеҙ Яңы йыл байрамына әҙерләнә башланығыҙмы?