Рәсәй хөкүмәте Өфө һәм Екатеринбург ҡалалары инфраструктураһы үҫешенә 1 миллиард һумдан ашыу аҡса йүнәлтә. Министрҙар кабинеты матбуғат хеҙмәтенән ошо турала хәбәр иттеләр. Аҡсаның бер өлөшө Башҡортостан баш ҡалаһында 23 километрлыҡ һыу үткәреү системаһын төҙөүгә тотонола. Тейешле инфраструктура булдырылғас Киров һәм Дим райондарында 16 миллион квадрат метр торлаҡ төҙөү мөмкинлеге була.