Капиталь ремонт башланған

Бинаның икенсе ҡаты яңынан төҙөлә, ағас түшәмдәр алмаштырыла.

Белорет ҡалаһының 8-се мәктәбендә капиталь ремонт башланған. Бинаның икенсе ҡаты яңынан төҙөлә, ағас түшәмдәр алмаштырыла. Бынан тыш 2023 йылда яңы белем усағы ла әҙер булыр тип көтөлә.

Белорет ҡалаһының 8-се мәктәбе 1950 йылда төҙөлә. Өс йыл элек капиталь ремонтҡа ябылған белем усағының түбәһе уйылып төшә. 500-ҙән ашыу уҡыусы 18-се мәктәптең икенсе сменаһына уҡыуға күсерелә. Проблемалы социаль объектта төҙөлөш эштәрен башлау оҙаҡҡа һуҙыла. Ниһайәт, документтар тупланып, реконструкция проекты әҙерләнгәс, сентябрҙә төҙөлөш эштәре башлана.

Реконструкция эштәре, өс ҡатлы яңы бинаны күтәреү һәм биләмәне тәртипкә килтереү маҡсатында республика бюджетынан 750 миллион һум аҡса бүленгән.

#Национальныепроекты

#Миллипроекттар