Республика Башлығы Радий Хәбиров яңы коронавирус инфекцияһы таралыуына бәйле «Юғары әҙерлек» режимын индереү тураһында указын сираттағы тапҡыр үҙгәртте.

Документтың яңы редакцияһына ярашлы, 1 декабрҙән республика ҡунаҡханаларына коронавирусҡа ҡаршы вакцинация үтеү тураһында сертификат, алты ай эсендә COVID-19 менән ауырыу йә иһә прививка яһатырға ярамауы хаҡында медицина белешмәһе (ПЦР-тест та кәрәк) менән генә урынлашырға була.

Шулай уҡ Башҡортостандың баш ҡалаһында РПЛ һәм КХЛ уйындарында футбол майҙанын, «Өфө-Арена»ны 70% тултырырға мөмкин. Төп шарт — тамашасыларҙың сертификаты йәки ярты йыл эсендә сирҙе үткәреү тураһында сертификаты булыуы.

Башинформ.

Фото:Валерий Шахов.