Финалда тик ун өс йәш йырсы ғына сығыш яһай

Башҡортостан балалары һәләтен үҫтереп, ижадын яҡтыртып, «Сулпылар» 1992 йылдан бирле сыңлай. «Тамыр» балалар һәм үҫмерҙәр телеканалының иң ҙур проекттарының береһе ул. «Сулпылар» - республиканың төрлө төбәктәрендә йәшәгән меңәрләгән балаға ҡанат ҡуйыусы ижади майҙан. Бында тәүге аҙымын яһаған балалар ең һыҙғанып, Башҡортостан мәҙәниәтенә хеҙмәт итә.

Быйыл конкурсҡа 321 ғариза килде. Беренсе турға - 50, икенсе турға 26 бала үтте. Финалда тик 13 йырсы ғына сығыш яһай. Арҙаҡлы Жюри үтә ҡатмарлы эште ғәҙел һәм ентекле башҡара. Оҫталыҡ дәрестәре, интенсив-тренингтар, фотосессия, репертуар өҫтөндә эшләү һ.б. «Тамыр» командаһы музыкаль проектты лайыҡлы атҡарып сығыр өсөн көсөн йәлләмәй. «Сулпылар»ҙа ижади һабаҡ алған бала ҙур тормошҡа ышаныслы атлай.