“АРБА” - ЕҢЕҮСЕ!

Мостай Кәрим исемендәге Милли йәштәр театрында күптән түгел генә премьераһы уҙған “Арба” әкиәте ( режиссеры - Зиннур Сөләймәнов) Сыуашстанда үткән “Иҙел буйы әкиәте” (Атăл юмахĕ) төбәк-ара фестивалендә ҡатнашыуы тураһында хәбәр иткәйнек инде.
Фестиваль кисә, 20 ноябрҙә тамамланды.
Таңсулпан һәм Зөһрә Бураҡаеваларҙың “Арба” әкиәте ике номинацияла еңеү яуланы - "Йәш тамашасы өсөн иң яҡшы спектакль" һәм социаль селтәрҙә уҙған тауыш биреү буйынса "Тамашасылар һөйөүе", - тип хәбәр ебәрҙе театрҙың әҙәбиәт бүлеге.
Мостай Кәрим исемендәге Милли йәштәр театрын еңеүҙәре менән беҙ ҙә ҡотлайбыҙ! Был еңеү - "Арба"ның еңеүҙәренең тәүгеһе генә, уларҙың күп булыуын  теләйбеҙ!