Бөгөн Өфөлә "Елки" киноһының дауамын төшөрәләр

Комедияның яңы өлөшө 16 декабрҙә прокатҡа сыға.

Баш ҡалабыҙҙа «Ёлки» яңы йыл комедияһының дауамын төшөрәләр

Өфөләрҙең «Ёлки» яңы йыл комедияһының дауамы төшөрөлгән майҙансыҡҡа килеп, үҙҙәрен экранда күреү мөмкинлеге булған.

Баш ҡала хакимиәтенең матбуғат хеҙмәте хәбәр итеүенсә, 28 ноябрҙә Өфөнөң «Торатау» конгресс-холы майҙанында фильмдың бер эпизодын төшөрөргә йыйыналар. Сара проекттың режиссёры һәм продюсеры Антон Богданов етәкселегендә «Бөтә ил менән шыршы биҙәйбеҙ» исеме аҫтында ойошторола.

Майҙанда ковидҡа ҡаршы саралар үтәлә. Унда ҡатнашыу өсөн прививка йәки сирҙе үткәреү тураһында QR-код кәрәк.

Ғаризалар ufaelki8@gmail.com электрон почтаһына ҡабул ителгән. Мәғлүмәттәрҙе тикшергәндән һуң ойоштороусылар саҡырыу ебәрергә һәм өҫтәмә мәғлүмәт хәбәр итергә тейеш булған.

Әлеге сара Мәскәү, Пермь, Красноярск, Төмән һәм Саранск ҡалаларында ла уҙҙы. Комедияның яңы өлөшө 16 декабрҙә прокатҡа сыға.

Фото:Ксения Калинина