Иглин районының «Агротех» предприятиеһында донъяла алдынғы һаналған «Делавал» компанияһының роботлаштырылған һауыу комплексы файҙаланыуға тапшырылды. 

Һуңынан ғына яңы малдар индерелә. Көнөнә өс-дүрт тапҡыр һауын ойоштороласаҡ тип күҙаллана.  Фермала  айшир тоҡомло һыйырҙар аҫрала. Малҡайҙар робот ярҙамында яңы ысул менән башҡарылған һауымға тиҙ өйрәнәсәк, ти белгестәр. Эш процесын дөрөҫ ойоштороу һауымды арттырыуҙан тыш, һөттөң сифатын да  күпкә яҡшыртасаҡ.

  «Агротех» яуаплылығы сикләнгән йәмғиәте республикала һөт етештереүсе малсылыҡ  тармағында роботтар ҡулланыусы өсөнсө предприятие. Швецияла етештерелгән роботлаштырылған комплекс донъяның йөҙләгән илендә ҡулланыла. Роботлаштырылған системаны ҡулланыу  һөттә юғары сифат, ә малдарҙың  сәләмәтлеген контролдә тоторға мөмкинлек бирә. Ҡиммәтле заманса робортлаштыоылған һауын техникаһының яртыһын һатып алыуға дәүләт ярҙамы күрһәтелә.

  Хужалыҡта был комплекстар 500 ферма проекты сиктәрендә төҙөлгән. Яңы роботлаштылыған комплекстарҙы ҡорау өсөн проектҡа бер ни тиклем үҙгәрештәр индерелгән. Ферма тулы ҡеүәтенә эшләй башлау комплекста тәүлегенә 5 тонна һөт алыу күҙаллана.

  Һөт етештереүҙә алдынғы технологиялар ҡулланыу, продукцияның күләменән тыш, сифатын яҡшыртырға, хеҙмәт етештереүсәенлеген күтәрергә мөмкинлек бирәсәк. Ауыл хужалығының һөтсөлөк тармағындағы һанлаштырыу киләсәктә киң ҡулланылыу аласаҡ, тип күҙаллана.

Роботлаштырылған һауыу техникаһында һөт ябыҡ циклда һауып алына. Һуңынан махсус датчиктар ярҙамында һыуытҡысҡа ебәрелә. Мал рационын төҙөүҙә, һөт сифатын тикшереүҙә һәм генетиканы көйләүҙә был роботлаштырылған һауын техникһы иң ышаныслыһы тип һанала.

Гүзәл Борханова

Фото- БСТ