Мәктәптәрҙә ҡышҡы каникулдарҙы оҙайтырҙармы?

Башҡортостан Башлығы Радий Хәбиров яңы коронавирус инфекцияһы менән ауырығандар арта ҡалһа, мәктәптәрҙә  ҡышҡы каникулды оҙайтыу мөмкинлеге тураһында белдерҙе.

"Миҙгелле киҙеү башланып ҡына тора һәм беҙ балаларҙың күпләп ауырығанын тоя башлаһаҡ,  бәлки, ҡышҡы каникулдарҙы оҙайтырбыҙ. Сөнки беҙ көҙгө каникулда шулай эшләгәйнек, был бик ыңғай һөҙөмтә бирҙе", - тине төбәк етәксеһе.

Шулай уҡ республика башлығы һүҙҙәренсә, Башҡортостанда  яңы йылда локдаун көтөлмәй.