Ысын күңелдән яратһаң ғына гөлдәр үҫәсәктәр

"Гөлдәрем сәскә атмай", "үҫтерә белмәйем", "һин нисек үҫтерәһең?" кеүек һорауҙар миңә көн дә тиерлек килә. "Ниндәй уҡыу йортон тамамланың?" - тип тә һорайҙар. Ауылда гөл үҫтереүҙе эшкә лә һанамайҙар, юҡ менән булыу тип ҡараусылар күп. Юҡ менән булашыу өсөн махсус уҡыу йортон тамамлау кәрәкмәйҙер, минеңсә .Гөл яратыуымдың сәбәбен аңлата ла алмайым, үҙемә шул тиклем оҡшай гөл үҫтереү. Ауырыу тиһәң дә була. Хатта ике ҡатлы иң бай йортҡа барып инһәм дә, бер бөртөк гөл күрмәһәм ул йорт миңә яман булып тойола. Иҫке генә, бәләкәй генә өйөндә лә шаулатып гөлдәр үҫтереүсе хужабикәләргә һоҡланам һәм ул йорт минең өсөн иң матур тип һанала. Үҙ фекеремде берәүгә лә көсләп таҡмайым, бары уйҙарым менән уртаҡлашам.

Гөлдәрем сәскә атмай, үҫтерә белмәйем һин нисек үҫтерәһең , кеүек һорауҙар миңә көн дә тиерлек килә . Ниндәй уҡыу йортон тамамланың тип тә һорайҙар . Ауылда гөл үҫтереүҙе эшкә лә һанамайҙар , юҡ менән булыу тип ҡараусылар күп . Юҡ менән булашыу өсөн махсус уҡыу йортон тамамлау кәрәкмәйҙер , минеңсә .
Гөл яратыуымдың сәбәбен аңлата ла алмайым , үҙемә шул тиклем оҡшай гөл үҫтереү . Ауырыу тиһәң дә була . Хатта ике ҡатлы иң бай йортҡа барып инһәм дә , бер бөртөк гөл күрмәһәм ул йорт миңә яман булып тойола . Иҫке генә бәләкәй генә өйөндә лә шаулатып гөлдәр үҫтереүсе хужабикәләргә һоҡланам һәм ул йорт минең өсөн иң матур тип һанала . Үҙ фекеремде берәүгә лә көсләп таҡмайым , бары уйҙарым менән уртаҡлашам . Һәр кем үҙенсә йәшәй , гөл үҫтермәүселәрҙе тәнҡитләү ҙә түгел был яҙмам . Ә бары тик һорау биреүселәргә яуап рәүешендә генә яҙам .
Иң беренсе һорауға яуап . Гөлдө кеше менән ярышып , унда булғас миндә лә булһын тип үҫтерергә кәрәкмәй . Үҙеңдең күңелең ҡуша икән , үҙең ысын күңелдән яратһаң ғына үҫәсәктәр . Мода өсөн генә ултыртыу ярамай тип уйлайым . Уларҙың да йәне бар . Әгәр , иғтибар иткәнегеҙ булһа , иң яратҡан һәм иғтибарҙы күп биргән гөлдәр шәп үҫә һәм шаулап сәскә ата . Етем бала һымағыраҡ бер ситтә ҡаралмай ултырыусы гөлдәр йонсоп тик ултыра үҫә алмай . Ни тиклем гөл яратһам да , миндә лә үгәй гөлдәр бар әле ул .
Икенсенән , ботаҡ ҡырҡып алып ҡайттығыҙ икән ти , йәки тамыр йәйгән үҫенте . Тупраҡҡа тыҡтығыҙ ҙа аҙналар буйына оноттоғоҙ . Алып ҡайтҡан үҫентегеҙ сабый бала һымаҡ , иркәләп һылап һыйпап тормаһағыҙ ул үҫмәйәсәк . Күп сәскә үҫтерергә яратыусыларҙың иң ҙур хатаһы һыу ҡойоу . Кемдер бөтөнләй һыу ҡойорға онота , кемдер көн һайын ҡойоп серетә .
Тупраҡты баҡсаныҡына магазиндыҡын ҡушам . Ниндәй гөл ниндәй тупраҡ яратыуы тураһында айырым постарҙа яҙырмын тип уйланым . Интернет тулы мәғлүмәт булһа ла , күп кешегә ябай тел менән яҙыу аңлайышлыраҡ . Шуға ла яҙыуымды һораусылар күп . Шулай уҡ , һыу ҡойоуҙа ла төрлө гөлгә төрлөсә , ҡайһыныһы һыу ярата , икенселәре яратмай .
Сәскә үҫтереү серең менән уртаҡлаш тиҙәр . Дөрөҫөн генә әйткәндә , йәшертен бер серем дә юҡ . Бары тик , эшләгән эшемде күңел һалып , бөтә йөрәгем менән яратып эшләйем . Үҫһәң үҫ үҫмәһәң тор тип түгел . Орлоҡто йәки ботаҡты тупраҡҡа ҡуйғанда уның ниндәй булып үҫерен күҙ алдына килтерәм , сәскәләре һәм емештәре менән ҡыуандырасағын уйлап ҡыуанам алдан уҡ . Һәр көн иртәнсәк тороу менән , бит йыуырҙан да алда гөлдәремде ҡарап сығам . Кемеһе нисек таң аттырҙы икән ? Уларҙы тәрбиәләмәйенсә сәйгә ултырмайым .
Артыҡ әллә нимәләр ҡыландырмайым . Удобрениелар менән мауыҡмайым , естественный условиеларҙа үҫтереү яҡлымын . Гөлдәрҙең һәйбәт үҫеүе удобрениела ғына түгел . Иң төп сәбәп тупраҡта . Һәр гөл үҙенә тейешле тупраҡта үҫергә тейеш . Унан һуң , йылдар буйы бер тупраҡта ултырған гөлдәрҙең сәскә атмауына ғәжәпләнергә кәрәкмәй ҙә . Мин үҙем яҙлы , көҙлө тупраҡтарын алмаштырам .
Минең ҡулланған удобрениеларым ошолай ғына : ун көн һайын бер балғалаҡ шәкәр һибәм . Азотно калийный фосфорный ( суперфосфат ) айына бер тапҡыр ҡуллана инем элегерәк . Был удобрение зерновой культуралар өсөн . Иптәшем тоҡлап алған ине , оҙаҡ йылдар ҡулландым мин уны . Баҡса гөлдәренә лә өйҙөкөнә лә ( картуфлы гөлдәргә ҡойманым ) шуны ҡулландым . Һуңғы бер ике йылда удобрение бөтөнләй ҡулланғаным юҡ . Тупрағын яңыртам , һыуҙы ваҡытында ҡоям , һарғайған япраҡтарын ҡырҡам һб .
Спортсмендарға ярыш алдынан анаболик эсерәләр , арымаһын өсөн . Ярыштан һуң улар хәлдән тайып тәгәрәй . Гөлдәр ҙә шулай , удобрение менән пичкать иткән гөлдәргә удобрение ҡойоуҙы туҡтатһаң , үҫә алмай , ҡороуы ла бар . Был бары тик минең фекерем .
Тағы ла анда бында йод һәм перекись водорода ҡулланам . Магазиндарҙа һатылған бер генә удобрениены ла ҡулланғаным юҡ . Бәлки , мин дөрөҫ эшләмәйемдер башҡа гөл үҫтереүселәр менән сағыштырғанда . Ябай ысул менән үҫтерһәм дә үҫәләр әлегә һәм сәскә атып та ҡыуандыралар . Ҡайһы бер сортовой ҡыйбатлы гөлдәргә генә айырым условиелар кәрәктер тип уйлайым . Уларын үҙем өйрәнәм әлегә.