Артист Илнур Ҡәләмов юғалған

Ирекмәндәр хәбәр итеүенсә, 2021 йылдың 25 ноябрендә ул өйөнән сығып киткән дә һаманға тиклем туғандары менән бәйләнешкә сыҡмаған.

Башҡортостанда артист Илнур Ҡәләмов юғалған

Ирекмәндәр хәбәр итеүенсә, 2021 йылдың 25 ноябрендә ул өйөнән сығып киткән дә һаманға тиклем туғандары менән бәйләнешкә сыҡмаған.

Илнур Ҡәләмовҡа 38 йәш. Ул музыка студияһында эшләгән. Йырлай, көйҙәр ижад итә, яҡшы аранжировкалар яһай, тип хәбәр итте «Башинформ»ға Учалы журналисы Баныу Ҡаһарманова. Артист республикала «Юлдаш йыры» пректы буйынса ла билдәле.

Һуңғы тапҡыр уны Учалы районы Ураҙ ауылында күргәндәр. Ул телефонын юғалтҡан, социаль селтәрҙәрҙәге сәхифәләренә туғандары инә.

Туғандары полицияға ғариза яҙған. Уны ирекмәндәр ҙә эҙләй.

Илнур Ҡәләмовтың ҡайҙа икәнлеген белеүселәр булһа, 89603877214 йәки 102 номерына шылтыратыуҙы һорайҙар.

"Башинформ"