Һауа шарттарының ҡапыл үҙгәреүе көтөлә.

Юлдарҙа боҙлауыҡ һаҡлана һәм ҡар һырынтылары барлыҡҡа килә.

Башҡортостанға төньяҡ-көнбайыш циклон яҡынлаша

Башҡортостанда һауа шарттарының ҡапыл үҙгәреүе көтөлә. Башгидрометүҙәк белгестәре хәбәр итеүенсә, төбәккә төньяҡ-көнбайыш циклон яҡынлаша. Әле республикала яуым-төшөм теркәлмәй. Ләкин циклон тәьҫирендә Башҡортостанда бер аҙ ҡар яуыуы көтөлә. Юлдарҙа боҙлауыҡ һаҡлана һәм ҡар һырынтылары барлыҡҡа килә. Бөгөн, 16 декабрҙә, төбәктә йәшәүселәргә һәм ҡунаҡтарға машинала йөрөгәндә иплерәк булыу зарур, сөнки юлдарҙа боҙлауыҡ булыуы көтөлә. Йәйәүлеләргә лә йәрәхәтләнеүҙән һаҡланыу өсөн иғтибарлыраҡ булыу кәңәш ителә.