Зарарланған мал өсөн компенсация ала башланылар

Баймаҡ районының Беренсе Төркмән ауылы халҡы зарарланған мал өсөн компенсация ала башланы. Был турала үҙенең социаль селтәрҙәге сәхифәһендә Баймаҡ районы хакимиәте башлығы Фәнис Әминев хәбәр итә:

"Башҡортостан Башлығы Радий Хабиров ҡушыуы буйынса компенсация Яңы Йылға тиклем түләнергә тейеш. Ауыл халҡына аҡса кисәге көндән күсерелә. Компенсация баҙар хаҡына ҡарап түләнә. Бынан тыш, 6 декабрҙән Беренсе Төркмән ауылы кешеләренә аҙыҡ-түлек таратыла, балаларға һөт ризыҡтары бирелә. Бөгөн дә халыҡҡа аҙыҡ-түлек таратыу ойошторола"

Фото Ф. Әминев сәхифәһенән