Владимир Путин: "Коллектив иммунитет кимәле 80% булырға тейеш"

Журналистар менән ҙур матбуғат конференцияһында президент Владимир Путин  вакцинация тураһында һорауға яуап бирҙе. 

Уның һүҙҙәренсә, 59,4% – ауырыған һәм прививка эшләткән рәсәйҙәрҙең дөйөм иммунитеты.

«Илдә 70 миллиондан ашыу кеше вакцина алған. Әммә был ғына етмәй, беҙҙә коллектив иммунитет кимәле 80% булырға тейеш», – тип билдәләне дәүләт башлығы.

2022 йылдың беренсе кварталы аҙағында йәки 2022 йылдың икенсе кварталында ошо күрһәткескә өлгәшербеҙ, тигән ышанысын белдерҙе ул.