"Янғантау"ға ЮНЕСКО геопаркы статусын биреү тураһында сертификат тапшырылды

Был турала социаль селтәрҙә Республика Башлығы Радий Хәбиров яҙа. Был беҙҙең өсөн ҙур ҡаҙаныш, әммә эште дауам итергә кәрәк. "Янғантау" инфраструктураһын үҫтерәбеҙ. Алдағы ике йылда бында милли геройыбыҙ Салауат Юлаев иҫтәлегенә "Мәсетле" музей комплексы һәм "Салауат ере" тарихи-мәҙәни комплексы төҙөлә. Башҡортостандың тәбиғәтен, тарихи-мәҙәни мираҫын һаҡлап ҡалыу беҙҙең өсөн өҫтөнлөклө эш йүнәлеше булып тора, тип яҙа Радий Хәбиров. "Янғантау"ға ЮНЕСКО геопаркы статусы уҙған йылда бирелде, пандемия арҡаһында сертификат быйыл тапшырылды.

Bash.News