Ҡыш бабай менән Ҡарһылыу өлкәндәрҙе ҡотланы!

Йылайыр районы Сәләх ауылына Ҡыш бабай менән Ҡарһылыу килеп киткән. Улар менән әкиәт персонаждары - үгеҙ, арыҫлан, сусҡа ла бар. 

Ҡотлаусылар бар ауылды гөрләтеп, етеп килгән Яңы йыл менән ҡотлап, урамдан шаулап, йырлап уҙҙылар.

Ҡыш бабай менән Ҡарһылыу хөрмәтле өлкән йәштәге ауылдаштарын тәмле-тәмле күстәнәс биреп, иң изге теләктәрен еткерҙеләр!

Сәләхтәр барығыҙға ла етеп килгән 2022 йылда ныҡлы һаулыҡ, аҡ бәхеттәр, ҡыуаныс-шатлыҡтар теләй!