Алдағы көндәрҙә һауа торошо нисек булыр?

"Башгидромет"үҙәге хәбәр итеүенсә, алдағы көндәрҙә республика буйынса ҡар яуыуы, айырым райондарҙа буран сығыуы, юлдарҙа боҙлауыҡ һәм көрт булыуы көтөлә. Юлдарҙың айырым участкаларында ҡар яуғанда 500-1000 метрға тиклем күреү мөмкинлеге кәмей. Башҡортостанда юл хәрәкәте хәүефһеҙлеге баш дәүләт инспекторы Владимир Севастьянов та водителдәргә юлға сығыуҙы туҡтатып торорға һорап, мөрәжәғәт итте. Иҫкәртеүҙәргә ҡарамаҫтан, ҡайһы бер водителдәр хәүефһеҙлек сараларына иғтибар итмәй, был юл-транспорт ваҡиғаларына килтерә.