Бөгөн - Халыҡ-ара бейеү көнө

– Вәт, исмаһам, оҫта!
– Сәхнәне бер итеп бейей бит!
– Ни эшләп Өфө тирәһенә китмәй икән? Баш ҡалала ғына йөрөй торған егет.

Красноусол мәҙәниәт һарайында эшләп йөрө­гән Илшат Хәбибуллин­дың һәр сығышынан әҫәр­ләнгән тамашасы йыш ҡына шулай ти. Икен­се­ләре бығаса Фәйзи Ғәскәров исе­мендәге Башҡорт дәүләт халыҡ бе­йеүҙәре ансамблендә, Стәрлета­маҡта эшләп алған егеттең тыуған яғына ҡайтыуына ҡыуанып бөтә алмай. Бәй, шулай булмайса! Талантлы егет үҙе бейеп кенә ҡалмай, район балаларына ғәжәп талантын ур­таҡлаша. Өйрәтеүсеһе генә бул­һын, улары оторға әҙер тора.
Уңыштар ҙа оҙаҡ көттөрмәне. Хәҙер Илшаттың уҡыусылары төрлө ярыштарҙа ҡат­нашып, еңеү яулай.

Илшат Красноусолда тыуа. Бә­лә­кәйҙән мәжлес­тәрҙә өлкәндәрҙең бейеүен кү­реп үҫкән малай мәктәптә ошо сәнғәт нес­кә­лек­тәренә ихлас өйрәнә. Унан - Стәрлетамаҡ мәҙәниәт техникумында, Силәбе мәҙәниәт һәм сәнғәт академияһында белем ала.
Бейеүсе  уҡыусылары менән республика, Рәсәй кимә­лендәге ярыштарҙа йыш ҡатнаша, еңеүҙәр яулай.

Әйткәндәй, бөгөн  - 9 ғинуар халыҡ бейеүҙәре көнө. Ошо айҡанлы Красноусолда  бейеү флешмобы үтте. Ҡасабаның

 М.Ғафури майҙанына урынлаштырылған сәхнәгә район мәҙәниәт һарайы бейеүселәре - Илшат Хәбибуллин, Ольга Кирдеева, Замир Тайсин күтәрелеү менән бала-саға ғына түгел, өлкәндәр ҙә сәхнә янына йыйылды. Улар бейеүселәргә ҡушылып, төрлө халыҡ бейеүҙәрен бейене. Байрамға килеүселәр уйындар уйнап, матур бүләктәр ҙә отто.