«Һатыусының үҫмерҙән документын һорағанын күргәнегеҙ бармы?»

Был һорауҙы социаль селтәрҙәге сәхифәһендә «Айыҡ ауыл» проекты координаторы, Бөтә донъя башҡорттары Президиумы ағзаһы Сәлиә МЫРҘАБАЕВА бирҙе.

«Дуҫтар, алкоголь һатыу өсөн тейешле йәш кимәле төрлө илдәрҙә 18-21 булып ҡалыуын, ә Рәсәйҙә, документты күрһәткәндә, 18-ҙән (бәлиғлек) мөмкин икәнен беләһегеҙме? Был хоҡуҡи норма, үҫешкән илдәр тәжрибәһе күрһәтеүенсә, үҫмерҙәрҙең алкоголь ҡулланыуына ҡаршы һөҙөмтәле көрәш сараларына индерелгән. Магазин һатыусыһына, әгәр ул бәлиғ булмағандарға спиртлы эсемлек һатһа, 30-50 мең һум штраф янай.

Мине шул ҡыҙыҡһындыра: республикала күпме һатыусыға бәлиғ булмағандарға алкоголь һатҡаны өсөн штраф һалынған икән? Дуҫтар, ә һеҙ берәй һатыусының ҡулына шешә тотоп торған үҫмерҙән документын һорағанын күргәнегеҙ бармы?» — тип мөрәжәғәт итте Сәлиә Шәрифйән ҡыҙы.

"Ҡоролтай" төркөмөнән.