"Тамаша" журналының баш мөхәррире Илшат Зарипов тыуған көнөн билдәләй

Мәктәп йылдарында уҡ "Йәншишмә" балалар һәм үҫмерҙәр гәзитенә әүҙем яҙышҡан Мәсетле егете Илшат Зариповтың журналист буласағына туғандары ла, класташтары ла шикләнмәй. Рәми Ғарипов исемендәге Республика 1-се интернат- гимназияһына  килгәс, Матбуғат йортона килеү, бында эшләгән апай-ағайҙарҙың үҙҙәре менән яҡындан танышыу, аралашыу уның был теләгән көсәйтә генә. Егет мәктәптән һуң БДУ-ның башҡорт филологияһы һәм журналистика факультетына уҡырға инә. Ҡулына диплом алғас, хеҙмәт  юлын "Шоңҡар" йәштәр журналында башлай һәм бер аҙҙан баш мөхәррир урынбаҫары итеп үрләтелә. Илшат Булат улы -  Башҡортостандың атҡаҙанған киң мәғлүмәт һәм матбуғат  хеҙмәткәре. Ул хәстәрлекле ғаилә башлығы, бына тигән ҡыҙ, ул үҫтерә.